عقاب الموت موت
انا وبالسما حبستوني، أنا لين
عقاب الموت موت، مش خمس ولا مئات سنين
ملاك الموت فرح، وقلبي الملاك حزين
حكم ظالم، اللي نساني، أنا الملاك لين
من فوق دموعي تشتي، وعالأرض تدين
نيمتوني تراب بتراب والكفن من طين
وبحكمكم أنا المحبوسة، يا هوا جزين
مئات سنين لقاتل، شربني سم سنين
الله شايفكن، بس الندامة صوتها الأنين
أنا بدي غير أم، تحضن قلبي المسكين
أنا ما متت، صوتي الناس ووطن أمين
عذاب الروح يغلي، حبستوني يا ظالمين
الطفل اليوم هو الكلمة ورسالة دين
قومو من نومكم، وكبرو مآذن للنايمين
ما تدفنو قضيتي، انا منكم يا لبنانيين
انا لين، بحكي من التراب، وما يهين
بعد دفني تحبسوني بقراركم المهين
التوقيع: سانيا فنيش